Сонгон уу

САЙН ДУРЫН ХӨТӨЛБӨР

Хөгжлийн мэдээллийн төв номын сан, мэдээлэл технологи, нийгмийн чиглэлээр Их Их дээд сургуулийн ахлах ангийн оюутнуудыг тус Мэдээллийн төвийн Сайн дурын хөтөлбөрт оролцохыг санал болгож байна. Энэ хөтөлбөрт оролцсоноор Мэдээллийн төвийн ном, судалгааны тайлангуудтай танилцахын зэрэгцээ өөрт хэрэгтэй мэдээ мэдээллийн эх сурвалжийг хайх дадал эзэмшиж, орчин үеийн номын сангийн үйл ажиллагаатай танилцаж электрон каталоги, онлайн мэдээллийн сан ашиглах боломж бүрддэг. Мөн Нээлттэй Нийгэм Форумаас эрхлэн гаргадаг ном, судалгааны тайлан, эмхтгэлийг олон нийтэд түгээх, Форумаас зохион байгуулдаг хурал, хэлэлцүүлэг, номын нээлт зэрэг арга хэмжээнд туслахын сацуу суралцах хугацаанда ажлын дадлага хуримтлуулах боломж олгодог юм.  

НОМЫН ХАНДИВ

Улс орны хөгжлийн асуудлаар ажилладаг судалгааны байгууллага, ТББ, донор байгууллага, судлаач та бүхнийг манай мэдээллийн төвд судалгааны тайлан болон бусад материалыг хандивлаж хамтран ажиллахыг урьж байна.

Мөн Нээлттэй Нийгэм Форумаас эрхлэн гаргасан номуудыг УИХ-ын гишүүд, Олон улсын байгуулагууд, Их дээд сургуулийн номын сангууд, Төрийн болон төрийн бус байгууллагууд, Нийтийн номын сангууд болон хөдөө орон нутгийн 21 аймгийн болон сумдын нийтийн номын сангуудад тус тус тараан түгээдэг.

НОМЫН ХУДАЛДАА
           
А. Нээлттэй Нийгэм Форумын Орчуулгын төслийн хүрээнд хэвлэгдсэн ном. Дэлхий дахинаа нэрд гарсан зохиогчдын шилдэг номуудыг орчуулан хямдралтай үнээр худалдан борлуулж байна. Эдгээр номыг Нээлттэй Нийгэм Форумаас болон Интерном номын дэлгүүр, Билэг Их дэлгүүрийн номын худалдаа, Метромолл Их дулгүүрий номын худалдаа, Эрвээхэй Франц номын дэлгүүрүүдэд худалдаалж байна.

Адагт үлдсэн тэрбум: Хамгийн ядуу буурай орнууд хэрхэн сүйрэн унаж байгаа болон энэ талаар юу хийж болох тухай өгүүлэх нь	Сүйрэл: Мөхөж устах, мандан бадрахаа нийгэм хэрхэн сонгодог тухай	Эдийн засаг энгийнээр: Баялаг, хөгжил дэвшлийн тухай хүн болгоны мэдвэл зохих зүйл	Боловсролын бодлогын импорт: Даяар шинэчлэл ба Монголын орон нутгийн хүчин зүйлс	Ардчиллын хэв загвар: Гучин зургаан орны төр засгийн хэлбэр ба илрэл

Б. Дэлхийн Банкнаас гаргасан ном. Англи, Орос хэл дээр хэвлэгдсэн хөгжлийн тулхай хамгийн сүүлийн үеийн номыг 75%-ийн хямдралтай үнээр Мэдээллийн төвөөр дамжуулан захиалж болно. Номын каталогийг Хөгжлийн Мэдээллийн Төвөөс ирж авах буюу энд дарж үзнэ үү. /Жич: Номын захиалга хийгдсэнээс хойш 14 хоногийн дараа ном ирэх ба шуудангийн зардалд ном тус бүрт 3$ нэмэгддэг. /