Сонгон уу

Танхимаар үйлчлэх
Үйлчлүүлэгчид Мэдээллийн төвд байгаа хэвлэмэл ном, судалгааг Уншлагын танхимд ашиглахаас гадна Онлайн мэдээлэл татаж дискэндээ хуулах, Электрон каталогиос ном, судалгаа хайх үйлчилгээг авах эрхтэй. Манай Мэдээллийн төв номоо Олон улсын номын сангийн ангилал болох Дьюгийн Аравтын системэээр (ДАА/DDC) ангилан каталогжуулсан тул тавиураас ангиллын дагуу хайж олоход хялбар мөн нээлттэй байдаг. Түүнчлэн уншигч та журмын дагуу хувилагч, принтер, сканерийг ашиглах боломжтой.

Ном гэрээр олгох үйлчилгээ
Гишүүнчлэлд элссэн үйлчлүүлэгч Мэдээллийн төвөөс гэрээр ном авч ашиглах эрхтэй. Нэг удаад 1-2 номыг 7 хоногийн хугацаанд ямар нэгэн барьцаагүйгээр авч ашиглах ба уг номыг бусад хэрэглэгч асуугаагүй тохиолдолд нэг удаа сунгуулж болно. Сунгалтыг өөрийн биеэр, утсаар болон и-мэйлээр мэдэгдэж болно. Сунгалт хийлгэлгүй хугацаа хэтрүүлбэл гэрээр авах номын тоог багасгах, мөн тодорхой хугацаагаар ном авах эрхийг хязгаарлана.

Цагийн хуваарь
Даваа-Баасан гаригуудад 9-18 цагийн хооронд олон нийтэд нээлттэй үйлчилнэ.

Гишүүнчлэл

1. Гишүүнчлэлд хэн элсэх вэ?

Бодлогын асуудлыг сонирхогч хүрээнийхэн, эрдэмтэн судлаачид, сэтгүүлчид, судалгааны ажил хийж буй болон улс орны хөгжил, бодлогын асуудлаар мэдээлэл олж авах хүсэлтэй хэн бүхэн гишүүнээр бүртгүүлж, үйлчилгээ авах эрхтэй.

2. Гишүүнчлэлийн эрхээр ямар үйлчилгээ авах вэ?

Гэрээр ном авах: Нэг удаад 1-2 номыг 7 хоногийн хугацаанд ямар нэгэн барьцаагүйгээр авч ашиглах ба уг номыг бусад хэрэглэгч асуугаагүй тохиолдолд нэг удаа сунгуулж болно. Сунгалтыг өөрийн биеэр, утсаар болон и-мэйлээр мэдэгдэж болно. Сунгалт хийлгэлгүй хугацаа хэтрүүлбэл гэрээр авах номын тоог багасгах, мөн тодорхой хугацаагаар ном авах эрхийг хязгаарлана.

Хувилуулах: Үйлчлүүлэгчийн хүсэлтээр Төвийн ном товхимол, судалгааны материалуудаас нэг удаад 10 хүртэлх хуудсыг дараах үнэээр хувилуулж болно.

• нэг талдаа - 100 төг
• хоёр талдаа - 200 төгрөг

Хувилуулах үйлчилгээний захиалгыг Төвийн ажилтанд урьдчилан мэдэгдэх ба Зохиогчийн эрхийн тухай хуулийн дагуу ямар ч номыг бүрэн эхээр нь хувилахгүй.

Онлайн эх сурвалж ашиглах: Гишүүнчлэл бүхий үйлчлүүлэгч интернет ашиглан зөвхөн лиценз, гэрээгээр ашиглагддаг онлайн сэтгүүл болон ном, судалгааны сангаас хайлт хийх, тэдгээрийг ашиглах, номын сангуудад зориулсан электрон мэдээллийн сангийн (eIFL.net) үйлчилгээг авах эрхтэй ба төвийн ажилтнаас үйлчлүүлэгч бүр тусдаа хэрэглэгчийн нэр, нууц үг авна. Олсон материалаа хуулах хэвлэх эрхтэй. Нэг нүүр хэвлэх үнэ 100 төгрөг.

Хямдралтай үнээр ном худалдан авах: Нээлттэй Нийгэм Форумаас эрхлэн гаргадаг номоос хүсвэл нэг хувийг үнэ төлбөргүй, зарж борлуулж буй номоос нэг хувийг 10 хувийн хөнгөлөлттэй үнээр авах эрхтэй.

Мэйлээр мэдээлэл авах: Гишүүнчлэлд эллсэн үйлчлүүлэгч олон нийтэд зориулан шинэ номын нээлт, зохиогчидтой хийх уулзалт, Дэлхийн Банкны захирал, судлаачдын лекц, хэлэлцүүлэг зэрэг арга хэмжээний талаар зарлал авч байхаас гадна сар тутмын мэдээллийн хуудас, шинээр ирсэн ном судалгааны тухай мэдээллийг мэйлээрээ авна.

Мэдээлэл захиалах: Тодорхой сэдвээр шаардлагатай мэдээллээ захиалах, Мэдээллийн төвийн санд нийцэхүйц шинэ номын нэрийг захиалгад оруулахаар санал ирүүлж болно.

3. Гишүүнчлэлд яаж элсэх вэ?

Мэдээллийн төвөөр байнга үйлчлүүлэх хүсэлтэй хувь хүн, байгууллага дараах хоёр төрлийн гишүүнчлэлийн аль нэг хэлбэрийг сонгож үйлчлүүлнэ.
Хувь хүний гишүүнчлэл: Иргэний ба ажлын үнэмлэх, 2 хувь зурагтай ирж байнга ашигладаг мэйл хаягаа бүртгүүлнэ.
Гишүүнчлэлийн шимтгэл:   Нэг жилээр    30000 төг,
Хагас жилээр 20000 төг,
Нэг улирлаар 15000 төг
Байгууллагын гишүүнчлэл: Гишүүнчлэл хүссэн байгууллагын захирал/даргын албан бичиг, байгууллагыг төлөөлж ажиллах албан тушаалтны иргэний болон ажлын үнэмлэх, гишүүнчлэлийн хураамж 100000 төг, тухайн байгууллагаас үйлчлүүлэх хүмүүсийн нэрсийн жагсаалт, тэдгээрийн албан ёсны мэйл хаягийг бүртгүүлнэ.