Сонгон уу

Төсвийн ил тод байдал

2012 оны 1 дүгээр сарын 10-ны өдөр

Мэдээллийн ил тод байдал ба мэдээлэл авах эрхийн тухай хуулиас:
9.1.1.тухайн жилийн төсөв, өмнөх оны төсвийн гүйцэтгэл, дараа жилийн төсвийн төслийг өөрийн цахим хуудас болон Монгол Улсын төсвийн ил тод байдал цахим хуудсанд дор дурдсан хугацаанд байрлуулан мэдээллийг иргэд, байгууллага чөлөөтэй авах нөхцөлийг бүрдүүлэх:
9.1.1.а.тухайн жилийн төсвийг жил бүрийн 01 дүгээр сарын 10-ны өдрийн дотор;
9.1.1.б.өмнөх оны төсвийн гүйцэтгэлийг жил бүрийн 4 дүгээр сарын 01-ний өдрийн дотор;
9.1.1.в.дараа жилийн төсвийн төслийг жил бүрийн 8 дугаар сарын 15-ны өдрийн дотор.

Төсвийн мэдээллийг “өөрийн цахим хуудсанд” байрлуулах тухай дээрх хуулийн 9.1.1.а заалтыг 2012 оны 1 дүгээр сарын 10-ны өдрийн 12 цагийн байдлаар 82 төсвийн байгууллага, орон нутгийн нэгж хэрэгжүүлсэн эсэхийг лавлахад Хэнтий, Дархан-Уул аймгууд 2012 оны төсвийг баталсан тухай ИТХ-ын тогтоолоо вэб хуудаснаа байршуулжээ. Дэлгэрэнгүй мэдээллийг дор танилцуулав.

Хамтран ажиллах санал

Нээлттэй Нийгэм Форум сан нь засаглал, эдийн засаг, нийгмийн бодлогын чиглэлийн ном, тайлан, судалгааны материал, мэдээллүүдийг англиас монгол, монголоос англи хэл рүү орчуулах компаниудыг хамтран ажиллахыг урьж байна.
Бүрдүүлэх материал:

1. Үнийн санал
2. Байгууллагын танилцуулга
3. Хийсэн ажлын тайлан
4. Компанийн гэрчилгээний хуулбар

Үнийн саналаа  otgoo@forum.mn  хаягаар ирүүлнэ үү.
Харилцах утас: 313207

Сонгуульд санал автоматаар тоолоход зайлшгүй анхаарах асуудлууд

Сүүлийн жилүүдэд санал тоолох явцад дүнг өөрчилж будлиан гаргахаас сэргийлэх, сонгуулийн дүнг нэгтгэн зарлах үйл явцыг хурдасгах, хүний оролцоог аль болох багасгах зорилгоор сонгуулийг автоматжуулах нь түгээмэл хандлага болж байна. Монгол Улс 2012 онд болох Улсын Их Хурал (УИХ)-ын сонгуульд саналыг автомат төхөөрөмжөөр тоолохоор зэхэж буй бөгөөд үүнтэй холбоотой зарим өөрчлөлтийг шинэчлэн боловсруулсан УИХ-ын сонгуулийн тухай хуулийн төсөлд тусгаснаас гадна Сонгуулийн автоматжуулсан системийн тухай хуулийг саяхан батлаад байна.

Сонгуулийг автоматжуулсан системээр явуулах түүхэн шийдвэрийг гаргав

Сонгуулийн автоматжуулсан системийн тухай хуулийн төслийн эцсийн хэлэлцүүлгийг УИХ-ын нэгдсэн чуулганаар хийж тус хуулийг  дөнгөж сая баталлаа. Энэ хуулийг баталснаар “Монгол улс сонгуулийн санал хураалт болоод санал тоолох үйл ажиллагааг орчин үеийн тоног төхөөрөмжийн тусламжтайгаар автоматжуулсан байдлаар явуулах боломж бүрдсэн бас нэгэн түүхэн шийдвэр гарч байна” гэж УИХ-ын дарга Д.Дэмбэрэл онцоллоо.

Монгол Улсын дунд хугацааны хөгжлийн бодлогын баримт бичгийн төслийг танилцуулах уулзалт

“Монгол Улсын дунд хугацааны хөгжлийн бодлогын баримт бичиг болох Монгол Улсын эдийн засаг, нийгмийн хөгжлийн  2012-2016 оны тэргүүлэх чиглэлийн төсөл”-ийг хэлэлцүүлэх уулзалт

Монгол Улсын эдийн засгийн ирээдүйн дүр төрхийг зураглах ажил эхэллээ

Уул уурхайн салбарын хөгжил, нэн ялангуяа уг салбараас орж ирэх орлогын хуваарилалт, менежмент нь энэ цаг үед зөвхөн бодлого боловсруулагчид төдийгүй олон нийтийн анхаарлыг татсан нэн чухал үйл явц  билээ. Тиймээс Нээлттэй Нийгэм Форум  улс орны нөхөгдөшгүй баялаг болох эрдэс баялгийн салбараас орж буй орлогыг зохистой, үр өгөөжтэй зарцуулахад нийт иргэдийн оролцох боломжийг өргөтгөх, улмаар бодлого боловсруулагчид болон шийдвэр гаргагчдад  нөлөөлөх, дөтлөн ирж буй сонгуулийн үеэр сонгогчид илүү хариуцлагатай сонголт хийхэд нь дэмжлэг үзүүлэх зорилгоор Монгол Улсын орлогын менежментийн асуудлаарх эдийн засгийн ирээдүйн дүр төрхийг /сценари/ боловсруулах ажлыг эхлүүллээ.

Эдийн засгийн хөгжлийн ирээдүйн дүр зураг

Нээлттэй Нийгэм Форум 2003-2004 онуудад "Эдийн засгийн хөгжлийн ирээдүйн дүр зураг" төслийг хэрэгжүүлсэн юм. Монголын нийгмийн янз бүрийн сонирхогч талуудын төлөөллийг нэг дор цуглуулж, улс орны эдийн засгийн ирээдүйн талаар харилцан ярилцах, Монгол Улсад эдийн засгийн үнэт зүйлс бүрдүүлэх боломжийн талаар шинэ төсөөллүүд бий болгох, тэдгээрийг ирээдүйд хэрэгжүүлэх боломжийг судлах зорилготой энэхүү төслийн хүрээнд олон талын оролцоотой хэлэлцүүлэг өрнүүлсний үндсэн дээр дараахь 4 сценарийг боловсруулсан юм. Төсөл хэрэгжиж дууссанаас хойш нилээдгүй олон жил өнгөрсөн боловч бидний энэхүү санаачлага одоо ч цаг үеэсээ хоцроогүй болно. Та бүхэн Монголын ирээдүйн тухай эдгээр сценаритай танилцаж санал бодлоо хуваалцах аваас бид талархан хүлээн авах болно.

	Сценари 1: Их нүүдэл Хөдөөнөөс нүүдэллэн ирж буй иргэд гэхгүй хотын оршин суугчид ч ялгарах зүйл бага буй заа. Монголын зах зээлийн эдийн засагт шилжсэнээс хойш даруй 25 жил болсон ч өнөөдөр бараг хоёр монгол хүний нэг нь ядуу, гурван хүний нэг нь ажилгүй байна. Нийт хүн амын 80 гаруй хувь нь Улаанбаатар, Дархан хотуудад болон төмөр замын дагуу төвлөрсөн бол албан бус мэдээгээр 500 мянга гаруй иргэд гадаадад гарсан байна.
	Сценари 2: "Ах дүү" хөршийн дунд “Одоо ч зөвхөн мал дагаж амьдрах ямар ч аргагүй болж. Нэг бол зуд турханаар үрэгдэнэ, нэг бол өвчин эмгэгт баригдана” гэж тэрбээр үргэлжлүүлэн хүүрнэнэ. Өвчин гэж тэрбээр 2009-2010 онд гарч, Монголын мал аж ахуйд хүчтэй цохилт болсон шүлхийг хэлж байгаа бололтой.
	Сценари 3: 16 дахь "бүгд найрамдах улс"-аас 51 дэх"муж"? Азийн хамгийн эрх чөлөөт орон Монголыг улс төр, эдийн засаг, соёл иргэншлийн хувьд ч Азийн хамгийн америкжсан улс гэж олон хүн ярьдаг. АНУ тэргүүтэй хандивлагч, зөвлөгч нарын удирдлага дор хэрэгжүүлсэн эдийн засгийн өөрчлөлт шинэчлэлийн үр дүнд хот суурин газрын монголчуудын амьжиргааны түвшин 2020 он гэхэд өмнөд солонгосчуудын түвшинд дөхөн очих төлөвтэй байгаа гэнэ.
	Сценари 4: "Улаанбаатар"-аас "Улаанбээжин"? XXI зууны эхний 10 жилд жил шахуу дараалан тохиолдсон зуд Монгол Улсын нийт малын бараг 50 хувь үрэгдсэн гэнэ. Өвөрхангай аймгийн Хархорин сумын төвөөс холгүй амьдардаг малчин Гочоо ч тэр үеэр малаа алдсан нэгэн. “Одоо ч байгаль, цаг агаар их өөрчлөгдөж байна даа, гэхдээ л миний мал барагтай зуд турханг даваад гарчихна шүү” гэж 57 настай Гочоо бидэнд хэлэв.